Allama iqbal poetry

• دنیا کی محفلوں سے اکتا گیا ہوں یا رب

       کیا لطف انجمن کا جب دل ہی بجھ گیا ہو

• فقط نگاہ سے ہوتا ہے فیصلہ دل کا

       نہ ہو نگاہ میں شوخی تو دلبری کیا ہے

• ہزاروں سال نرگس اپنی بے نوری پہ روتی ہے

        بڑی مشکل سے ہوتا ہے چمن میں دیدہ ور پیدا

• اپنے من میں ڈوب کر پا جا سراغ زندگی

        تو اگر میرا نہیں بنتا نہ بن اپنا تو بن

• علم میں بھی سرور ہے لیکن

         یہ وہ جنت ہے جس میں حور نہیں

• دل سے جو بات نکلتی ہے اثر رکھتی ہے

         پر نہیں طاقت پرواز مگر رکھتی ہے

• اچھا ہے دل کے ساتھ رہے پاسبان عقل

        لیکن کبھی کبھی اسے تنہا بھی چھوڑ دے

• حیا نہیں ہے زمانے کی آنکھ میں باقی

        خدا کرے کہ جوانی تری رہے بے داغ

• نہیں تیرا نشیمن قصر سلطانی کے گنبد پر

        تو شاہیں ہے بسیرا کر پہاڑوں کی چٹانوں میں

• حرم پاک بھی اللہ بھی قرآن بھی ایک

        کچھ بڑی بات تھی ہوتے جو مسلمان بھی ایک

• غلامی میں نہ کام آتی ہیں شمشیریں نہ تدبیریں

         جو ہو ذوق یقیں پیدا تو کٹ جاتی ہیں زنجیریں

• سو سو امیدیں بندھتی ہے اک اک نگاہ پر

        مجھ کو نہ ایسے پیار سے دیکھا کرے کوئی

• مسجد تو بنا دی شب بھر میں ایماں کی حرارت والوں نے

        من اپنا پرانا پاپی ہے برسوں میں نمازی بن نہ سکا

• اے طائر لاہوتی اس رزق سے موت اچھی

        جس رزق سے آتی ہو پرواز میں کوتاہی

• عقابی روح جب بیدار ہوتی ہے جوانوں میں

        نظر آتی ہے ان کو اپنی منزل آسمانوں میں

• نہ سمجھو گے تو مٹ جاؤ گے اے ہندوستاں والو

         تمہاری داستاں تک بھی نہ ہوگی داستانوں میں

• جس کھیت سے دہقاں کو میسر نہیں روزی

        اس کھیت کے ہر خوشۂ گندم کو جلا دو

• ڈھونڈتا پھرتا ہوں میں اقبالؔ اپنے آپ کو

          آپ ہی گویا مسافر آپ ہی منزل ہوں میں

• یوں تو سید بھی ہو مرزا بھی ہو افغان بھی ہو

         تم سبھی کچھ ہو بتاؤ تو مسلمان بھی ہو

• عمل سے زندگی بنتی ہے جنت بھی جہنم بھی

         یہ خاکی اپنی فطرت میں نہ نوری ہے نہ ناری ہے

• تمنا درد دل کی ہو تو کر خدمت فقیروں کی

        نہیں ملتا یہ گوہر بادشاہوں کے خزینوں میں

• عشق بھی ہو حجاب میں حسن بھی ہو حجاب میں

         یا تو خود آشکار ہو یا مجھے آشکار کر

• سارے جہاں سے اچھا ہندوستاں ہمارا

         ہم بلبلیں ہیں اس کی یہ گلستاں ہمارا

• جمہوریت اک طرز حکومت ہے کہ جس میں

        بندوں کو گنا کرتے ہیں تولا نہیں کرتے

• ترے آزاد بندوں کی نہ یہ دنیا نہ وہ دنیا

         یہاں مرنے کی پابندی وہاں جینے کی پابندی

• باطل سے دبنے والے اے آسماں نہیں ہم

           سو بار کر چکا ہے تو امتحاں ہما را

• نہیں ہے ناامید اقبالؔ اپنی کشت ویراں سے

          ذرا نم ہو تو یہ مٹی بہت زرخیز ہے ساقی

• وطن کی فکر کر ناداں مصیبت آنے والی ہے

        تری بربادیوں کے مشورے ہیں آسمانوں میں

• عقل کو تنقید سے فرصت نہیں

        عشق پر اعمال کی بنیاد رکھ

• بتوں سے تجھ کو امیدیں خدا سے نومیدی

       مجھے بتا تو سہی اور کافری کیا ہے

• یقیں محکم عمل پیہم محبت فاتح عالم

      جہاد زندگانی میں ہیں یہ مردوں کی شمشیریں

• بھری بزم میں راز کی بات کہہ دی

         بڑا بے ادب ہوں سزا چاہتا ہوں

• انوکھی وضع ہے سارے زمانے سے نرالے ہیں

         یہ عاشق کون سی بستی کے یارب رہنے والے ہیں

• باغ بہشت سے مجھے حکم سفر دیا تھا کیوں

       کار جہاں دراز ہے اب مرا انتظار کر

• ہے رام کے وجود پہ ہندوستاں کو ناز

        اہل نظر سمجھتے ہیں اس کو امام ہند

• تو نے یہ کیا غضب کیا مجھ کو بھی فاش کر دیا

       میں ہی تو ایک راز تھا سینۂ کائنات میں

• مجھے روکے گا تو اے ناخدا کیا غرق ہونے سے

        کہ جن کو ڈوبنا ہے ڈوب جاتے ہیں سفینوں میں

• سودا گری نہیں یہ عبادت خدا کی ہے

         اے بے خبر جزا کی تمنا بھی چھوڑ دے

• انداز بیاں گرچہ بہت شوخ نہیں ہے

        شاید کہ اتر جائے ترے دل میں مری بات

• کبھی ہم سے کبھی غیروں سے شناسائی ہے

         بات کہنے کی نہیں تو بھی تو ہرجائی ہے

• نہ پوچھو مجھ سے لذت خانماں برباد رہنے کی

       نشیمن سیکڑوں میں نے بنا کر پھونک ڈالے ہیں

• آئین جواں مرداں حق گوئی و بیباکی

         اللہ کے شیروں کو آتی نہیں روباہی

• یہ جنت مبارک رہے زاہدوں کو

         کہ میں آپ کا سامنا چاہتا ہوں

• تیرا امام بے حضور تیری نماز بے سرور

        ایسی نماز سے گزر ایسے امام سے گزر